ფინანსურად გამჭვირვალე ცხრა ორგანიზაცია გამოვლინდა
თბილისი. 19 დეკემბერს, სამოქალაქო საზოგადოების რეგიონული ქსელის კონფერენციაზე ფინანსურად ყველაზე გამჭვირვალე 9 არასამთავრობო ორგანიზაცია გამოვლინდა.
„ესენი არიან: საერთაშორისი გამჭვირვალობა საქართველო; საქართველოს ჟურნალისტური ეთიკის ქარტია; ადამიანის უფლებების სწავლებისა და მონიტორინგის ცენტრი (EMC); რეგიონის განვითარების ცენტრი (RDC); ათინათი; ორბელიანი საქართველო; ეკონომიკური პოლიტიკის კვლევის ცენტრი; წამების მსხვერპლთა ფსიქოსოციალური და სამედიცინო რეაბილიტაციის საქართველოს ცენტრი (GCRT), სამოქალაქო განვითარების სააგენტო.
34 არასამთავრობო ორგანიზაცია მიმდინარე წელს შეუერთდა გამჭვირვალობის დეკლარაციას, რომელზე ხელმოწერითაც მათ პასუხისმგებლობა აიღეს პროაქტიულად გამოაქვეყნონ ინფორმაცია მათი მიზნების, დაგეგმილი და განხორციელებული საქმიანობების, განხორციელების ვადების, დონორების და დაფინანსების რაოდენობის შესახებ", ნათქვამია ორგანიზაციის ვებგვერდზე.
წყარო: ორგანიზაციის ვებგვერდი სოციალურ ქსელში
