ზამთრის სასწავლო ბანაკი დაბა ბაკურიანში
სამცხე-ჯავახეთი. 8-10 დეკემბერს, საქართველოს წითელი ჯვრის საზოგადოებამ გორის ფილიალის ლიდერ მოხალისეებთან ერთად მოაწყვეს ზამთრის ბანაკი დაბა ბაკურიანში.
„ბანაკში მონაწილეობდნენ გორის მუნიციპალიტეტის შვიდ იძულებით გადაადგილებულ პირთა ჩასახლებებსა და ქ. გორში არსებულ სამ კოლექტიურ ცენტრში მცხოვრები 16-დან 25 წლამდე ახალგაზრდები.
სასწავლო ბანაკში მოწვეულმა კვალიფიციურმა ტრენერებმა მონაწილეებს გააცნეს საქართველოს წითელი ჯვრის საზოგადოების როლი და საქმიანობები, ასევე ჩაატარეს სასწავლო სესიები მოხალისეობრივი საქმიანობების მართვასა და განვითარებაზე, მცირე პროექტების წერაზე, ცხოვრებისეულ უნარ-ჩვევებზე, ლიდერობასა და გუნდურობაზე", ნათქვამია ორგანიზაციის ვებგვერდზე სოციალურ ქსელში.
წყარო: ორგანიზაციის ვებგვერდი სოციალურ ქსელში
