კონკურსი „ჩემი მშვენიერი ბებო“
აჭარა. ასოციაცია „ღირსეული სიბერე" ახალ ტრადიციას აფუძნებს, ქალთა დღესასწაულებს ასოციაცია ფოტო კონკურსით – „ჩემი მშვენიერი ბებო" – აღნიშნავს. კონკურსის სლოგანია „ცხოვრება ყველა ასაკში მშვენიერია". პირველი ეტაპი ინტერნეტ კონკურსია, რომლის მიხედვით (მოწონებების რაოდენობით) 3 საპრიზო ადგილი გამოვლინდება, მეორე ეტაპი კი ხანდაზმულთა სოციალური ცენტრში გაიმართება.
„კონკურსის მიზანია გავაცნოთ საზოგადოებას ჩვენი მშვენიერი, მზრუნველი და ერთგული ბებიები, ასოციაციის აქტიური ბენეფიციარები და საინტერესო ხანდაზმული ქალბატონები, რომლებიც თავიანთი ცხოვრებისეული ოპტიმიზმით და შემოქმედებითი პოტენციალით ახალგაზრდა თაობისთვის მაგალითის მიმცემები არიან", ნათქვამია ორგანიზაციის გვერდზე სოციალურ ქსელში.
წყარო:ორგანიზაციის გვერდი სოციალურ ქსელში
