თბილისი. მაღალი საჯარო ინტერესის გათვალისწინებით, საქართველოს სახალხო დამცველმა ბრალდებულ ოთარ აბესაძის საქმის შესწავლა დაიწყო. ეს სახალხო დამცველის აპარატის მიერ გავრცელებულ განცხადებაშია ნათქვამი.

„სახალხო დამცველი ხაზგასმით აღნიშნავს, რომ ბრალდებულის მიმართ გამოყენებული პატიმრობა უნდა იყოს პროპორციული. პატიმრობის შესახებ გადაწყვეტილება უნდა ემყარებოდეს ეფექტიანი გამოძიების ინტერესებს და ამასთან, ითვალისწინებდეს ბრალდებულთან დაკავშირებულ ინდივიდუალურ გარემოებებს, მათ შორის, ჯანმრთელობის მდგომარეობას", - ვკითხულობთ განცხადებაში.

წყარო: ორგანიზაციის ვებგვერდი