ჟურნალისტური ეთიკის ქარტია: „სოფო ბერიძემ ქარტიის პირველი პრინციპი დაარღვია“
თბილისი. საქართველოს ჟურნალისტური ეთიკის ქარტიის საბჭოს გადაწყვეტილებით, ტელეკომპანია "იმედის" ჟურნალისტმა, სოფო ბერიძემ ქარტიის პირველი პრინციპი დაარღვია, რაც ზუსტი ინფორმაციის გავრცელებას გულისხმობს.
სადაო მასალა 25 დეკემბერს გავიდა ეთერში და საქართველოს კათალიკოს პატრიარქის, ილია მეორის აღსაყდრებიდან 40 წლისთავს ეძღვნებოდა. ჟურნალისტმა ჩართვაში განაცხადა, რომ საზეიმო წირვას არ ესწრებოდა მიტროპოლიტი დიმიტრი. განმცხადებელი მიიჩნევდა, რომ სოფო ბერიძემ არაზუსტი ინფორმაცია გაავრცელა, რადგან მიტროპოლიტი დიმიტრი წირვას ესწრებოდა.
წყარო: ორგანიზაციის ვებგვერდი
