თბილისი. „საერთაშორისო გამჭვირვალობა - საქართველო" კომუნიკაციების ეროვნული კომისიის ტენდერის შესწავლის შედეგად მივიდა დასკვნამდე, რომ მარეგულირებლის მიერ 2017 წლის 19 დეკემბერს გამოცხადებული საჯარო შესყიდვა 267 857 ლარის ღირებულების ტენდერი, კონკრეტულ მიმწოდებელზეა მორგებული. ტენდერი ინტერნეტის ხარისხის მონიტორინგის სისტემის შესყიდვას ითვალისწინებს.

„კომუნიკაციების ეროვნული კომისიის ქმედება უხეშად არღვევს საჯარო შესყიდვების ღიაობისა და კონკურენტუნარიანობის პრინციპებს და შეიცავს დანაშაულის შესაძლო ნიშნებს. აღნიშნული ტენდერი უნდა შეჩერდეს და შესაბამისმა ორგანოებმა დაიწყონ შესაძლო დანაშაულის მოკვლევა", ნათქვამია ორგანიზაციის ვებგვერდზე.

წყარო: www.transparency.ge