OECD-ACN-ის რეკომენდაციების უმრავლესობა შეუსრულებელია
თბილისი. ეკონომიკური თანამშრომლობისა და განვითარების ორგანიზაციის ანტიკორუფციული ქსელის (OECD-ACN) მიერ საქართველოსთვის გაცემული 22 რეკომენდაციიდან პროგრესი მხოლოდ 10-ში ფიქსირდება. საუბარია OECD-ACN-ის მიერ გამოქვეყნებული ანგარიშის შედეგად გაცემულ რეკომენდაციების თაობაზე, რომელიც საქართველოს ანტიკორუფციული რეფორმას ეხება.
როგორც "ინფორმაციის თავისუფლების განვითარების ინსტიტუტის” (IDFI) მიერ გავრცელებულ ინფორმაციაშია აღნიშნული, ანტიკორუფციული ქსელის მეოთხე რაუნდის ანგარიშის გამოცემიდან (2016 წლის ოქტომბერი) ერთი წლის შემდეგ საქართველოს მთავრობამ რეკომენდაციების დაახლოებით ნახევრის შესრულებისთვის არანაირი ნაბიჯი არ გადადგა, მნიშვნელოვანი ძალისხმევა მხოლოდ ორის შესასრულებლად გაიღო, ხოლო დანარჩენი 10 რეკომენდაციის შემთხვევაში გარკვეული ზომები იქნა მიღებული.
წყარო: https://idfi.ge
