თბილისი. 2018 წლის 26 მარტს GDI-მ (საქართველოს დემოკრატიულმა ინიციატივა) თბილისის სააპელაციო სასამართლოს საქართველოს ყოფილი პრეზიდენტის, მიხეილ სააკაშვილის სისხლის სამართლის საქმეზე სასამართლოს მეგობრის (Amicus Curiae) მოსაზრებით მიმართა.

2018 წლის 5 იანვრის გამამტყუნებელი განაჩენით თბილისის საქალაქო სასამართლომ სანდრო გირგვლიანის საქმეზე მსჯავრდებულების შეწყალებისთვის მიხეილ სააკაშვილი სამსახურებრივი უფლებამოსილების ბოროტად გამოყენებაში დამნაშავედ სცნო და სასჯელად სამი წლით თავისუფლების აღკვეთა შეუფარდა. GDI-ს მიაჩნია, რომ შეწყალების ინსტიტუტის ისტორიული და კონსტიტუციურ-სამართლებრივი მნიშვნელობის გაანალიზება სასამართლოს განსახილველი საკითხის სათანადოდ შეფასებაში დაეხმარება.

წყარო: ორგანიზაციის ვებგვერდი