EU და UNDP - საქართველოში სოფლის განვითარების ქსელის ჩამოყალიბებისთვის
მცხეთა-მთიანეთი. 16-17 აპრილს, ოცდაათმა ადგილობრივმა ექსპერტმა სტეფანწმინდაში სოფლის განვითარების საკითხებში ტრენერთა ტრენინგი გაიარა. ინტერაქტიული სასწავლო სემინარის პროგრამა სოფლის განვითარების სხვადასხვა სფეროს მოიცავდა, მათ შორის, სტრატეგიულ პროგრამირებას, განხორციელებასა და შეფასებას და საქართველოს რეალობაში საუკეთესო ევროპული პრაქტიკის გამოყენებას.
ტრენერთა ტრენინგი ჩატარდა ევროკავშირის (EU) მხარდაჭერით, სოფლის მეურნეობისა და სოფლის განვითარების ევროპის სამეზობლო პროგრამის (ENPARD) ფარგლებში. ტრენინგი შედგა გაეროს განვითარების პროგრამის (UNDP) ორგანიზებით, საქართველოს გარემოს დაცვისა და სოფლის მეურნეობის სამინისტროსთან თანამშრომლობით.
წყარო: ორგანიზაციის ვებგევრდი
