სახალხო დამცველის განცხადება მშრომელთა საერთაშორისო დღესთან დაკავშირებით
თბილისი. მშრომელთა საერთაშორისო დღესთანა დაკავშირებით, საქართველოს სახალხო დამცველი განცხადებას ავრცელებს.
„1 მაისი მშრომელთა საერთაშორისო დღეა, 28 აპრილი კი - სამუშაო ადგილებზე უსაფრთხოებისა და ჯანმრთელობის დაცვის მსოფლიო დღე. აღნიშნული თარიღებისადმი გამოხმაურებით, გვსურს ხაზი გავუსვათ შრომითი უფლებების სფეროში არსებულ პრობლემებსა და გამოწვევებს, რათა ამ საკითხებზე ყურადღების მუდმივად გამახვილებით, ხელი შევუწყოთ ერთის მხრივ, მათ შესახებ ცნობიერების ამაღლებას, ხოლო მეორეს მხრივ, პასუხისმგებელი უწყებების მგრძნობელობის გაზრდას. საქართველოში შრომითი უფლებების სფეროში უმწვავეს პრობლემას უსაფრთხო სამუშაო გარემოს უზრუნველყოფა წარმოადგენს. იმედია, რომ არსებული მდგომარეობის გამოსწორება შეუქცევადი პროცესი იქნება მიმდინარე წლის 1 აგვისტოდან, მას შემდეგ რაც ამოქმედდება „შრომის უსაფრთხოების შესახებ" კანონით გათვალისწინებული სანქციები", - ვკითხულობთ განცხადებაში.
წყარო: ორგანიზაციის ვებგვერდი
