მიმართვა გაეროს სპეციალურ მომხსენებელს
თბილისი. კოალიცია „დამოუკიდებელი და გამჭვირვალე მართლმსაჯულებისთვის" მშვიდობიანი შეკრებისა და გაერთიანების თავისუფლების საკითხებში გაეროს სპეციალურ მომხსენებელს, კლემენტ ნიალეტსო ვულუს წერილობით მიმართავს.
წერილში აღწერილია საქართველოში მოქმედი ადმინისტრაციულ სამართალდარღვევათა კანონმდებლობის ხარვეზები, რომლის გამოყენებითაც იზღუდება მშვიდობიანი შეკრებისა და გამოხატვის თავისუფლება. კოალიცია თხოვნით მიმართავს სპეციალურ მომხსენებელს, გამოიყენოს მისი მანდატით გათვალისწინებული მექანიზმები და შეისწავლოს საქართველოში ადმინისტრაციულ სამართალდარღვევათა კანონმდებლობის გამოყენებით მშვიდობიანი შეკრებისა და გამოხატვის თავისუფლების შეზღუდვის პრაქტიკა. ვფიქრობთ, ეს მნიშვნელოვნად შეუწყობს ხელს ადმინისტრაციულ სამართალდარღვევათა კანონმდებლობის რეფორმის პროცესს საქართველოში.
წყარო: www.gdi.ge
