თბილისი. 14 მაისს, „საქართველოს სოციალური მუშაკთა ასოციაციამ" სოციალური მომსახურების სააგენტოს თბილისის სოციალური მუშაკებისთვის ტრენინგი ჩაატარა, რომლის თემაც „ემოციების მართვის სირთულეების მქონე პირებთან მუშაობა" იყო.

„ტრენინგი მოიცავს ემოციების მართვის სირთულეების მქონე პირებთან და ოჯახებთან მუშაობის პრაქტიკულ და თეორიულ სწავლებას. ძირითადი ნაწილი ეთმობა, ემოციების იდენტიფიცირებას, სტრესს და მასთან გამკლავების გზებს, ასევე, ბრაზს და ბრაზის მართვის ტექნიკებს. სწავლება მიმდინაროებს მინი-ლექციების, შემთხვევების განხილვის, ჯგუფური და ინდივიდუალური მუშაობის მეთოდების გამოყენებით. 

ტრენინგი 2 ეტაპად ტარდება (14-15 მაისი და 16-17 მაისი) და მასში მონაწილეობას სულ 30 სოციალური მუშაკი მიიღებს”, ნათქვამია ასოციაციის ვებგვერდზე სოციალურ ქსელში.

წყარო: ასოციაციის ვებგვერდი სოციალურ ქსელში