სოციალურად დაუცველების შესახებ „კურიერის” სიუჟეტის გამო ქარტიას მიმართეს
თბილისი. საქართველოს ჟურნალისტური ეთიკის საბჭოს სამდივნომ დასაშვებად სცნო მაგდალინა თოდუას განცხადება ტელეკომპანია რუსთავი 2-ის ჟურნალისტების წინააღმდეგ.
სადავო მასალა 18 მაისს გავიდა საინფორმაციო გამოშვება „კურიერის" ეთერში. სიუჟეტი ეძღვნებოდა ზუგდიდში უფასო სასადილოს და სოციალურად დაუცველი მოსახლეობისთვის კვების ხარჯის შემცირებას.
„განმცხადებელი, მაგდალინა თოდუა მიიჩნევს, რომ ჟურნალისტმა არ გადაამოწმა ფაქტები, დაეყრდნო მხოლოდ ერთი რესპონდენტის ნათქვამს, შესაბამისად მისი აზრით, დარღვეულია ქარტიის პირველი პრინციპი - სიზუსტე და მეთერთმეტე - ფაქტის განზრახ დამახინჯება", ნათქვამია ორგანიზაციის ვებგვერდზე სოციალურ ქსელში.
წყარო: qartia.ge
