თბილისი. 16 ივლისს გავრცელებული ინფორმაციით, ტყიბულის მინდელის სახელობის შახტში აფეთქების შედეგად გარდაიცვალა ოთხი და დაშავდა ექვსი ადამიანი. სახალხო დამცველი მწუხარებას გამოთქვამს მომხდარი ფაქტის გამო და უსამძიმრებს გარდაცვლილთა ოჯახებს.
„ადამიანის სიცოცხლის უფლების დაცვა სახელმწიფოს უმთავრესი ამოცანაა, აღნიშნულის გათვალისწინებით სახალხო დამცველი მიესალმება პრემიერ-მინისტრის დღევანდელ განცხადებას, რომლის მიხედვითაც ტყიბულის შახტები დაიხურება გამოძიებისა და მაღალკვალიფიციური საერთაშორისო საინჟინრო-ტექნიკური ექსპერტიზის დასრულებამდე", ნათქვამია განცხადებაში.
ომბუდსმენი თვალყურს მიადევნებს საქმის გამოძიებას.
წყარო: ombudsman.ge