ომბუდსმენი გამყოფი ხაზის სოფლების მოსახლეობას შეხვდა
1 აგვისტოს, სახალხო დამცველი გამყოფი ხაზის სოფლების მოსახლეობას შეხვდა.
„2008 წლის ომის დროს დაზიანებული სახლების მდგომარეობა უკვე 10 წელია ყოველწლიურად უარესდება და შესაბამისად, იზრდება მათი რეაბილიტაციისათვის საჭირო თანხის ოდენობაც; ამასთან, მოსახლეობა, რომელიც დაზიანებულ სახლში ცხოვრობს, საცხოვრებლის გარეშე დარჩენის საფრთხის წინაშეა. სამთავრობო კომისიამ უნდა მიიღოს საბოლოო გადაწყვეტილება სახელმწიფო ბიუჯეტიდან კონფლიქტების შედეგად დაზიანებული სახლების კომპენსაცია-რეაბილიტაციასთან დაკავშირებით. გორის მუნიციპალიტეტის მერიის გამოთვლით, საუბარია 41 სახლზე, რომლის რეაბილიტაციის თანხაც 720 000 ლარს შეადგენს", აცხადებს სახალხო დამცველი.
წყარო: ombudsman.ge
