17 ივლისი - 6 აგვისტოს, საქართველოს 7 ქალაქში - გორი, ახალციხე, ქუთაისი, ამბროლაური, ზუგდიდი, ოზურგეთი, ბათუმი - სოციალურ თემებზე მომუშავე სამოქალაქო სექტორის წარმომადგენლებისათვის ერთდღიანი სემინარი ჩატარდა თემაზე „სოციალური პროგრამების დაგეგმვის და განხორციელების ძირითადი ასპექტები".

„სემინარებს საერთო ჯამში 150 ადამიანი დაესწრო და მისი ჩატარების მიზანი სხვადასხვა სოციალური ჯგუფებისათვის სოციალური სერვისებით მომსახურების თემაზე ინფორმაციის მიწოდება გახლდათ.

სემინარების დასრულების შემდეგ (სექტემბერი) სოციალური საწარმოების იდეების საგრანტო კონკურსი გამოცხადდება. სემინარის მონაწილეებს და, ასევე, ყველა სხვა დაინტერესებულ პირს, შესაძლებლობა ექნება მონაწილეობა მიიღოს იდეების კონკურსში. პროექტის ფარგლებში მინიმუმ 10 გამარჯვებული იდეის ავტორი გრანტის სახით 15 000 ევროს მიიღებს", ნათქვამია ორგანიზაციის ვებგვერდზე სოციალურ ქსელში.

წყარო: ორგანიზაციის ვებგვერდი სოციალურ ქსელში