„მედიის ადვოკატირებისთვის“ პარლამენტსა და საზმაუს მმართველებს მიმართავს
თბილისი. საზოგადოებრივი მაუწყებლის ირგვლივ განვითარებულ მოვლენებში გარკვევის მოწოდებით, „კოალიცია მედიის ადვოკატირებისთვის" საზოგადოებრივი მაუწყებლის დირექტორს, სამეურვეო საბჭოსა და საქართველოს პარლამენტს მიმართავს.
„მედიაში გავრცელებული ინფორმაციის თანახმად, საზოგადოებრივი მაუწყებლის ათეულობით თანამშრომელს მიუვიდა შეთავაზება, რომლის თანახმადაც ან უნდა მოხდეს შრომითი ხელშეკრულების არსებითი პირობების შეცვლა ან შეწყდეს შრომითი ურთიერთობა მათთან. მიგვაჩნია, რომ აღნიშნული შეთავაზება არის დაუსაბუთებელი და, შესაძლოა, მიზნად ისახავდეს ათეულობით ადამიანის სამსახურიდან გათავისუფლებას. საზოგადოებრივი მაუწყებლის გარშემო განვითარებული მოვლენები არაერთ კითხვას აჩენს, რომელსაც პასუხი არც გავრცელებული განცხადებით გაეცა", - აღნიშნულია კალიციის მიერ გავრცელებულ განცხადებაში.
წყარო: https://gyla.ge
