„მედიის ადვოკატირებისთვის“ ზურაბ ვარდიაშვილზე თავდასხმის ფაქტს ეხმაურება
თბილისი. ,,ლიბერალის" რედაქტორ ზურაბ ვარდიაშვილზე განხორციელებულ თავდასხმასთან დაკავშირებით, კოალიცია „მედიის ადვოკატირებისთვის" განცხადებას ავრცელებს.
„დღეს გამოძიების მთავარი ვერსიაა, რომ ზურაბ ვარდიაშვილი თავდამსხმელებს შეეშალათ სხვა პიროვნებაში და სინამდვილეში სულ სხვა პირთან აპირებდნენ ანგარიშსწორებას, რომელმაც შემთხვევამდე ერთი დღით ადრე იჩხუბა და აღნიშნა რომ ზურაბ ვარდიაშვილი იყო. თუმცა, შემთხვევიდან მეორე დღეს გამომძიებელი ,,ლიბერალის" რედაქტორს დაჟინებით უმეორებდა, რომ სწორედ მან იჩხუბა და ამ მოტივით დაესხნენ თავს.
პირველ რიგში, შეშფოთებას გამოვთქვამთ გამოძიების მხრიდან მსგავსი ზედაპირული დამოკიდებულების გამო და მოვუწოდებთ მას, მეტი ყურადღებით მოეკიდოს საქმეს.
ამავდროულად, აუცილებელია დადგინდეს, ხომ არ უკავშირდებოდა ,,ლიბერალის" რედაქტორზე თავდასხმა მის ჟურნალისტურ საქმიანობას", - ხაზგასმულია განცხადებაში.
წყარო: http://qartia.ge
