ადამიანის უფლებების სწავლებისა და მონიტორინგის ცენტრმა (EMC) გამართა მრგვალი მაგიდა თემაზე: „პროკურატურის რეფორმა საკონსტიტუციო ცვლილებების შუქზე".

„ღონისძიებაზე განიხილეს პროკურატურის სისტემის რეფორმის მიზნით პარლამენტში მიმდინარე პროცესები და რეფორმის ხედვები, ასევე ისაუბრეს პროკურატურის სისტემის მოწყობის თაობაზე არსებულ საერთაშორისო სტანდარტებზე და სხვა ქვეყნების რელევანტურ გამოცდილებებზე.

ღონისძიებას ესწრებოდნენ საქართველოს პარლამენტის წევრები, საქართველოს პროკურატურის, საერთაშორისო და ადგილობრივი ორგანიზაციის, აკადემიური სექტორის წარმომადგენლები", ნათქვამია ორგანიზაციის ვებგვერდზე სოციალურ ქსელში.

წყარო: ორგანიზაციის ვებგვერდი სოციალურ ქსელში