IDFI: საქართველოში ელიტურ კოურფიასთან ბრძოლა კვლავ გამოწვევად რჩება
თბილისი. „ინფორმაციის თავისუფლების განვითარების ინსტიტუტი" (IDFI) აქვეყნებს პუბლიკაციას, რომელიც საქართველოში ელიტური კორუფციის შესაძლო შემთხვევების ირგვლივ განვითარებული მოვლენებია გაანალიზებული.
„IDFI აუცილებლად მიიჩნევს ისეთი დამოუკიდებელი ანტიკორუფციული სამსახურის შექმნას, რომელსაც ექნება საზოგადოების ნდობა, დამოუკიდებლობის მაღალი ხარისხი და შესაბამისი კვალიფიკაცია იმისათვის, რომ გამოიძიოს მაღალი დონის კორუფციის შემთხვევები და პასუხი გასცეს საზოგადოებაში დაგროვილ ლეგიტიმურ შეკითხვებს. მოვუწოდებთ საქართველოს პარლამენტს, დაიწყოს მუშაობა დამოუკიდებელი ანტიკორუფციული სამსახურის შექმნის მიმართულებით და ხელახლა განიხილოს ჯერ კიდევ 2014 წელს „საერთაშორისო გამჭვირვალობა - საქართველოს" მიერ ამ მიმართულებით ინიცირებული კანონპროექტი", - ასეთია IDFI-ის რეკომენდაცია.
წყარო: ორგანიზაციის ვებგვერდი
