თბილისი. გენდერული ძალადობის წინააღმდეგ 16-დღიანი კამპანიის ფარგლებში, „პარტნიორობა ადამიანის უფლებებისთვის" (PHR) და „საქართველოს ახალგაზრდა იურისტთა ასოციაციამ" სამუშაო შეხვედრა გამართეს.

შეხვედრაზე, სახელწოდებით „სექსუალური შევიწროების სამართალწარმოება და რეგულირება საქართველოში – არსებული პრაქტიკა და გამოწვევები", საქართველოს ხელისუფლების, სახალხო დამცველისა და საზოგადოებრივი ორგანიზაციების წარმომადგენლებმა განიხილეს #PHR-ისა და #GYLA-ს წარმოებაში არსებული სექსუალური შევიწროების საქმეები, ასევე - საქმისწარმოების ეტაპზე გამოვლენილი ბარიერები და განსახორციელებელი საკანონმდებლო ცვლილებები, იმსჯელეს საკანონმდებლო რეგულაციისა და სექსუალური შევიწროების პრევენციის შიდა მექანიზმის არსებობის აუცილებლობაზე.

წყარო: https://phrgeorgia.wordpress.com