თბილისი. რონდელის ფონდი წარმოგიდგენთ ახალ საინფორმაციო-ანალიტიკურ გვერდს „კრემლის პოლიტიკის გზამკვლევი აფხაზეთსა და ცხინვალის რეგიონში".

„პროექტის მიზანია 2008 წლის რუსეთ-საქართველოს ომის შემდეგ აფხაზეთსა და ცხინვალის რეგიონში კრემლის მიერ განხორციელებული პოლიტიკის შესახებ გადაწყვეტილების მიმღებების, ანალიტიკური ცენტრების, ექსპერტებისა და მედია საშუალებების წარმომადგენლების ინფორმირებულობის უზრუნველყოფა”.

პროექტის ფარგლებში ხელმისაწვდომია საინფორმაციო-ანალიტიკური შინაარსის მასალები შემდეგ თემებზე:

• რუსეთში მოღვაწე საჯარო მოხელეები და უწყებები, რომლებიც აფხაზეთსა და ცხინვალის რეგიონთან მიმართებაში კრემლის პოლიტიკის ფორმირებასა და განხორციელებაზე არიან პასუხისმგებელნი;

• რუსეთის მიერ აფხაზეთისა და ცხინვალის რეგიონის დამოუკიდებლობის აღიარების შემდეგ, ორმხრივ ურთიერთობებში განვითარებული მნიშვნელოვანი მოვლენების ქრონოლოგია;

• მხარეებს შორის გაფორმებული ორმხრივი შეთანხმებები;

• აფხაზეთსა და ცხინვალის რეგიონში რუსეთის მაღალჩინოსნების მიერ განხორციელებული ვიზიტები;

• აფხაზეთსა და ცხინვალის რეგიონში კრემლის პოლიტიკის განხორციელებასთან დაკავშირებული მნიშვნელოვანი სიახლეები.

წყარო: ფონდის გვერდი სოციალურ ქსელში