თბილისი. „ადამიანის უფლებების სწავლებისა და მონიტორინგის ცენტრმა" (EMC), ნარკოტიკული დანაშაულისთვის მსჯავრდებული ირაკლი ჩხეიძის სახელით, საკონსტიტუციო სასამართლოს მიმართა.

EMC მიიჩნევს, რომ მსჯავრდებულ ირაკლი ჩხეიძის საქმეში არსებული მინიმალური ოდენობის ნარკოტიკული საშუალებების ფლობა არ წარმოადგენს იმ ხარისხის საშიშროების ქმედებას, რომ მასზე სისხლისსამართლებრივი რეჟიმი გავრცელდეს. EMC, ასევე, მიიჩნევს, რომ მინიმალური ოდენობით ნარკოტიკული ნივთიერების ფლობაზე ორი განსხვავებული რეგულირებისა და რეპრესიული სამართლებრივი რეჟიმის გავრცელება, ეწინააღმდეგება არაადამიანური, ღირსების შემლახავი და სასტიკის სასჯელისგან დაცვის კონსტიტუციურ პრინციპს, ისევე, როგორც კონსტიტუციით დაცულ თანასწორობის პრინციპს.

წყარო: ორგანიზაციის ვებგვერდი