საჯარო ლექცია: მოსამართლის დამოუკიდებლობა გერმანიაში
თბილისი. 12 მარტს, გრ. რობაქიძის სახელობის უნივერსიტეტში გაიმართა გერმანიის საერთაშორისო თანამშრომლობის საზოგადოების (GIZ) სამართლის პროგრამის ექსპერტის, ბ-ნი ულრიხ ჰაგენლოხის საჯარო ლექცია „მოსამართლის დამოუკიდებლობა გერმანიაში”.
„საუბრისას ბ-ნმა ჰაგენლოხმა დამსწრე საზოგადოებას გააცნო ის მექანიზმები, რომელთა მეშვეობითაც გერმანიაში ყოველდღიურ სამოსამართლო პრაქტიკაში უზრუნველყოფილი და განხორციელებულია მოსამართლის ინდივიდუალური დამოუკიდებლობის კონსტიტუციური გარანტიები.
ამასთან, განსაკუთრებით გაესვა ხაზი მოსამართლის მაღალ პროფესიონალიზმს, როგორც მისი ინდივიდუალური დამოუკიდებლობის ერთ-ერთ არსებით წინაპირობას. აღინიშნა ასევე დამოუკიდებელი მოსამართლეების გადამწყვეტი როლი სამართლებრივი სახელმწიფოს ჩამოყალიბება-განმტკიცებაში”, ნათქვამია ორგანიზაციის გვერდზე სოციალურ ქსელში.
წყარო: ორგანიზაციის გვერდი სოციალურ ქსელში
