ჯანდაცვის სამინისტრო სოც. მუშაკებთან მედიაციის პროცესისთვის ხელის შეშლას ცდილობს
თბილისი. პარტნიორობა ადამიანის უფლებებისთვის მიერ გავრცელებული ინფორმაციის თანახმად, ჯანდაცვის სამინისტრო სოციალურ მუშაკებთან მედიაციის პროცესისთვის ხელის შეშლას ცდილობს.
„20 მარტს, სოციალურმა მუშაკებმა ბრიფინგი გამართეს. საჯარო განცხადებაში მათ ისაუბრეს ჯანდაცვის სამინისტროს მხრიდან სოციალურ მუშაკებზე შესაძლო ზეწოლის ფაქტსა და მედიაციის პროცესის ხელის შეშლის შესახებ. შეგახსენებთ, რომ სოციალურმა მუშაკებმა სოციალური მუშაობის სფეროში სისტემური ცვლილებების მოთხოვნით სამინისტროს განცხადებით მიმართეს. ორგანიზაცია "პარტნიორობა ადამიანის უფლებებისთვის” იზიარებს სოციალური მუშაკების მოთხოვნებს და მხარს უჭერს მათ მიმდინარე პროცესებში", ნათქვამია ორგანიზაციის ვებგვერდზე.
წყარო: phrgeorgia.wordpress.com
