მეწარმე ქალების პროდუქციის გამოფენა-გაყიდვა
სამეგრელო. 30 მარტს, ქალთა ისტორიის თვესთან დაკავშირებით, „დემოკრატიული ჩართულობის ცენტრების ქსელის" ზუგდიდის ოფისის ინიციატივით, გაიმართა მეწარმე ქალების პროდუქციის გამოფენა-გაყიდვა, რომელიც მიეძღვნა მე-19 საუკუნის სამეგრელოს მკვიდრის, წარმატებული მეწარმე ქალის ნოტიო ლოლუას ხსოვნას. „მეწარმე ქალებმა დემოკრატიული ჩართულობის ცენტრების ქსელის ზუგდიდის ოფისის თაოსნობით, თხოვნით მიმართეს ადგილობრივ ხელისუფლებას მეწარმეების პროდუქციის გამოფენა-გაყიდვის მიზნით ქალაქის ცენტრალურ ნაწილში გამოყონ მუდმივი ადგილი ხის კოტეჯებთან ერთად, რომელიც მეწარმეებს შესაძლებლობას მისცემს შაბათ-კვირას მოახდინონ პროდუქციის რეალიზაცია და გააცნონ საკუთარი საქმიანობა ფართო მასას", ნათქვამია დემოკრატიული ჩართულობის ქსელის გვერდზე სოციალურ ქსელში.
წყარო: ორგანიზაციის გვერდი სოციალურ ქსელში
