ერთდღიანი სემინარები ტურიზმის განვითარებაზე
15-19 აპრილს, რონდელის ფონდისა და ესტონური არასამთავრობო ორგანიზაციის, იან ტონისონის ინსტიტუტის (Jaan Tonisson Institute) ორგანიზებით, პანკისში, ახალქალაქსა და ხულოში ადგილობრივი მოსახლეობისთვის გაიმართა ერთდღიანი სემინარები ტურიზმის განვითარებასთან დაკავშირებით.
„სემინარზე ესტონელმა და ქართველმა ექსპერტებმა განიხილეს ისეთი საკითხები, როგორიცაა წარმოება და ტურიზმი საქართველოში, სასოფლო ტურიზმი, სერვისის დიზაინი და მენეჯმენტი, პროექტები და დაფინანსების შესაძლებლობები (პარტნიორების მოძიება, პროექტის წერა, ა.შ.). სემინარების მიმდინარეობისას ჩატარდა პრაქტიკული სავარჯიშოები და გაიმართა დისკუსია", ნათქვამია ფონდის გვერდზე სოციალურ ქსელში.
წყარო: ორგანიზაციის გვერდი სოციალურ ქსელში
