შრომითი მიგრაციის შედეგად ქვეყანაში დარჩენილ ბავშვებზე ზეგავლენა
თბილისი. „პარტნიორობა ადამიანის უფლებებისთვის" (PHR) ინფორმაციით, შრომითი მიგრაციის შედეგად ქვეყანაში დარჩენილ ბავშვებზე ზეგავლენა ექსპერტებმა ChildPact-ის კონფერენციაზე განიხილეს.
„კონფერენციაზე, ანა არგანაშვილმა ამ მიმართულებით საქართველოში არსებულ რეალობასა და პრობლემებზე ისაუბრა. საქართველოდან შრომით მიგრაციაში მოსახლეობის საკმაოდ მაღალი, დაახლოებით 25%-ია ჩართული. შავი ზღვის არეალის ქვეყნების მსგავსად, საქართველოშიც, ფაქტობრივად, არაფერი ვიცით იმ ბავშვების მდგომარეობაზე, რომელთა ცხოვრებაზეც განსაკუთრებული ზეგავლენა აქვს მოსახლეობის მეოთხედის შრომით მიგრაციას. კონფერენციაზე განიხილებოდა ის პრობლემები, რასაც შრომითი მიგრაცია იწვევს სახელმწიფოებში. როგორც მომხსენებლებმა აღნიშნეს, შრომით მიგრაციის უმეტეს ნაწილს ქალები წარმოადგენენ", ნათქვამია ორგანიზაციის ვებგვერდზე.
წყარო: phrgeorgia.wordpress.com
