გადაწყვეტილება ბათუმის მეჩეთის საქმეზე
თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ინფორმაციას ბათუმის მეჩეთის საქმის გადაწყვეტილებაზე.
„კერძოდ, სასამართლომ დაადგინა, რომ ბათუმის მერიის მიერ გამოცემული სამართლებრივი აქტი, რომლითაც მუსლიმ თემს ბათუმში ახალი მეჩეთის მშენებლობაზე უარი ეთქვა, უკანონო და დისკრიმინაციულია. სამწუხაროდ, სასამართლომ არ დააკმაყოფილა მოსარჩელის ის მოთხოვნა, რაც მერიისთვის მშენებლობის ნებართვის გაცემის დავალდებულებას გულისხმობდა და მიღებული გადაწყვეტილების უფრო ეფექტიანი და დროული აღსრულების საფუძველი გახდებოდა“, ნათქვამია ორგანიზაციის ვებგვერდზე.
წყარო: emc.org.ge
