გამარტივებული შესყიდვები ბათუმში - მანკიერი პრაქტიკა
თბილისი. საერთაშორისო გამჭვირვალობა - საქართველომ 2017-2019 წლებში საზეიმო ღონისძიებების ორგანიზებისთვის გაფორმებული ხელშეკრულებები შეისწავლა.
„2017-2019 წლებში ბათუმში საზეიმო ღონისძიებებისთვის 1,493,385 ლარის სახელმწიფო შესყიდვა განხორციელდა, საიდანაც 827,735 ლარი (ჯამური თანხის დაახლოებით 55%) გამარტივებული შესყიდვების გზით გაიხარჯა“, - ვკითხულობთ ორგანიზაციის მიერ გავრცელებულ ინფორმციაში, - „წინასწარ განსაზღვრულ, კალენდრით დადგენილ ღონისძიებებზე (საახალწლო კონცერტები, ბათუმის საკურორტო სეზონის გახსნა, 26 მაისი, ბათუმობა) საბიუჯეტო თანხების გამარტივებული წესით ხარჯვა თავად გამარტივებული წესით შესყიდვის დასაბუთების კრიტერიუმებს ეწინააღმდეგება“.
წყარო: ორგანიზაციის ვებგვერდი
