ქარტიის საბჭო კინოთეატრებში დაგეგმილ კინოჩვენებას ეხმაურება
თბილისი. თბილისისა და ბათუმის კინოთეატრებში, ფილმის “და ჩვენ ვიცეკვეთ” (And then we danced) ჩვენებასთან დაკავშირებული ვითარების გამო, საქართველოს ჟურნალისტური ეთიკის ქარტიის საბჭო განცხადებას ავრცელებს.
„ქარტიის საბჭო მოუწოდებს: აქციების ორგანიზატორებს - მუშაობაში ხელი არ შეუშალონ მედიის წარმომადგენლებს; სამართალდამცავ უწყებას - განსაკუთრებული ყურადღება გამოიჩინონ ამბის გასაშუქებლად მისული ჟურნალისტების უსაფრთხოების დასაცავად. ქარტიის საბჭო, ასევე, მიმართავს მედიის წარმომადგენლებს, მაქსიმალურად აღიჭურვონ ამომცნობი, მაიდენტიფიცირებელი ნიშნებით (ბეიჯით, ჟილეტით და ა.შ.), რათა სამართალდამცავებმა საჭიროების შემთხვევაში მარტივად შეძლონ მათი ამოცნობა და უსაფრთხოების უზრუნველყოფა“, - ნათქვამია განცხადებაში.
წყარო: https://www.qartia.ge
