საია-ს უზენაესი სასამართლოს პლენუმზე დაკვირვების საშუალება არ მიეცა
თბილისი. უზენასი სასამართლოს ნაწილობრივ დაკომპლექტების შემდეგ, 16 დეკემბერს, პირველად შეიკრიბა და ორგანიზაციულ საკითხებზე იმსჯელა პლენუმმა. საია, რომელიც აკვირდება სასამართლო სისტემაში მიმდინარე პროცესებს, მათ შორის, უზენაესი სასამართლოს მოსამართლეთა შერჩევის პროცედურებს, პლენუმის სხდომას უნდა დასწრებოდა, თუმცა, სხდომა დაიხურა, რის გამოც ორგანიზაციას მონიტორინგის საშუალება არ მიეცა.
„კანონის მიხედვით, უზენაესი სასამართლოს პლენუმის სხდომები, როგორც წესი საჯაროა, რაც იმას ნიშნავს, რომ ის ღია უნდა იყოს თუ არ არსებობს რაიმე პატივსადები საფუძველი, უფრო მაღალი ღირებულების მქონე საჯარო ინტერესი. სახალხო დამცველის ინფორმაციით გადაწყვეტილების მოტივი მოსამართლეთათვის მსჯელობისთვის კომფორტული გარემოს შექმნა იყო“, - ვკითხულობთ, ამ ფაქტთან დაკავშირებით, საია-ს მიერ გავრცელებულ განცხადებაში.
წყარო: https://gyla.ge
