სსო-ები: მმართველი პარტიის მიერ შემოთავაზებული საარჩევნო სისტემის მოდელი მიუღებელი და არასერიოზულია
თბილისი. მმართველი პარტიის მიერ წარმოდგენილ საარჩევნო სისტემის ცვლილებებთან დაკავშირებით, საზოგადოებრივი ორგანიზაციები განცხადებას ავრცელებენ.
„20 დეკემბერს, მმართველ და ოპოზიციურ პარტიებს შორის საარჩევნო სისტემაზე გამართულ რიგით მეოთხე შეხვედრისას პარლამენტის თავმჯდომარემ გააჟღერა მმართველი გუნდის შემოთავაზება საარჩევნო სისტემის ცვლილების შესახებ, ისე რომ 150 საპარლამენტო მანდატიდან 50 მაჟორიტარული და 100 პროპორციული წესით განაწილდეს. „ქართული ოცნება“ აღნიშნულ შემოთავაზებას პროპორციულ სისტემაზე 2020 წლისთვის გადასვლის ინიციატივის ჩავარდნის შემდეგ „ოპტიმალურ კომპრომისულ გადაწყვეტილებას“ უწოდებს. სინამდვილეში, დღეს გაჟღერებული შემოთავაზებით მმართველი გუნდი კიდევ უფრო შორს წავიდა და დაადატურა სურვილი, რომ 2024 წლის არჩევნებისთვის სრულად პროპორციულ სისტემაზე გადასვლაც გააუქმოს“, - ვკითხულობთ განცხადებაში.
წყარო: https://isfed.ge
