საქართველოს ჟურნალისტური ეთიკის ქარტიის აღმასრულებელ დირექტორად მარიამ გოგოსაშვილი აირჩიეს
თბილისი. საქართველოს ჟურნალისტური ეთიკის ქარტიის აღმასრულებელი დირექტორი მარიამ გოგოსაშვილი გახდა. მან ამ პოზიციაზე ჩაანაცვლა გიორგი მგელაძე, რომელიც ჟურნალისტური ეთიკის ქარტიას 2019 წლის დეკემბრიდან ხელმძღვანელობდა.
მარიამ გოგოსაშვილი, 2018 წლიდან დღემდე, საქართველოს ახალგაზრდა იურისტთა ასოციაციის მედია მიმართულების იურისტად მუშაობდა. მანამდე, 2012-2013 წლებში ამავე ორგანიზაციაში მედიის სამართლებრივი დაცვის ცენტრის იურისტი იყო. 2013-2017 წლებში კი “სტერეო+-ის” სამართლებრივ დეპარტამენტს ხელმძღვანელობდა. არის არაერთი მედია კვლევის ავტორი და თანაავტორი.
წყარო: https://www.qartia.ge
