თბილისის მერიის საახალწლო შესყიდვები კორუფციის შესაძლო ნიშნებს შეიცავს
თბილისი. საერთაშორისო გამჭვირვალობა - საქართველოს ინფორმაციით, თბილისის მერიის საახალწლო შესყიდვები კორუფციის შესაძლო ნიშნებს შეიცავს.
„საქართველოში საახალწლო ღონისძიებებთან დაკავშირებული სახელმწიფო შესყიდვები, როგორც წესი, გამოირჩევა იმით, რომ მაღალია გამარტივებული (პირდაპირი) შესყიდვების წილი. პირდაპირი შესყიდვის საფუძვლად კი გადაუდებელი აუცილებლობა ან სახელმწიფოებრივი და საზოგადოებრივი მნიშვნელობის ღონისძიება სახელდება. მიუხედავად იმისა, რომ ახალი წელი ყოველთვის 1 იანვარს არის, მუნიციპალიტეტები ვერ ახერხებენ დროულად დაიწყონ ახალი წლის ღონისძიებებისთვის მზადება და წლის ბოლოს დაჩქარებულად და მითუმეტეს, პირდაპირი შესყიდვებით არ დახარჯონ ბიუჯეტის ფული. არაეკონომიურობასთან ერთად, პირდაპირი შესყიდვები კორუფციის ეჭვებს აჩენს“, ნათქვამია ორგანიზაციის ვებგვერდზე.
წყარო: transparency.ge
