EMC ზელიმხან ხანგოშვილის მკვლელობის საქმეზე გერმანიის გამოძიების შედეგებს ეხმიანება
თბილისი. ადამიანის უფლებების სწავლებისა და მონიტორინგის ცენტრი (EMC) ეხმიანება გერმანიის ფედერაციულ რესპუბლიკაში საქართველოს მოქალაქის, ზელიმხან ხანგოშვილის მკვლელობის ფაქტზე მიმდინარე გამოძიების შედეგებს.
„სამწუხაროდ, ბერლინში ხანგოშვილის მკვლელობის შემდგომ, საქართველოს ხელისუფლებას არ გამოუხატავს საკუთარი, ოფიციალური პოზიცია მომხდართან დაკავშირებით და მასში რუსეთის ფედერაციის მონაწილეობაზეც არაფერი უთქვამს. საკუთარი მოქალაქის სიცოცხლის მიმართ ამგვარი გულგრილობა, მით უფრო თუ გავითვალისწინებით საქმის ისტორიულ და პოლიტიკურ კონტექსტს, ჩვენი ქვეყნის ღირსებისა და საგარეო პოლიტიკის შესახებ კრიტიკულ კითხვებს აჩენს”, ნათქვამია ორგანიზაციის ვებგვერდზე.
წყარო: emc.org.ge
