კანონპროექტი - შშმ პირებისა და ორგანიზაციების შეფასება
თბილისი. ხელმომწერები ეხმიანებიან „შშმ პირთა უფლებების შესახებ“ კანონპროექტის განხილვას და მოუწოდებენ საქართველოს პარლამენტს, უზრუნველყოს საკანონმდებლო ცვლილებების პაკეტის საერთაშორისო ვალდებულებებთან სრულ შესაბამისობაში მოყვანა. ისინი, ასევე, მოუწოდებენ საკანონმდებლო ორგანოს, შშმ თემის აქტიური მონაწილეობისკენ მისი განხილვის პროცესში.
„კიდევ ერთხელ გამოვთქვამთ პარლამენტთან და იუსტიციის სამინისტროსთან თანამშრომლობისა და სამუშაო შეხვედრებში მონაწილეობის მზადყოფნას, სადაც მოგვეცემა შესაძლებლობა, დაწვრილებით წარმოვადგინოთ ჩვენი მოსაზრებები და რეკომენდაციები კანონპროექტთან დაკავშირებით. მხოლოდ აქტიური კომუნიკაცია მოგვცემს საშუალებას, დავხვეწოთ დოკუმენტი იმგვარად, რომ მოხდეს მისი სრული შესაბამისობის უზრუნველყოფა საერთაშორისო სტანდარტებთან და კანონპროექტი იქცეს შშმ პირების უფლებების დაცვის ქმედით მექანიზმად“, ნათქვამია განცხადებაში.
წყარო: gyla.ge
