ელჩი მესამე სექტორის წარმომადგენლებს შეხვდა
სამცხე–ჯავახეთი. 16 აპრილს, სამცხე-ჯავახეთში მოქმედი საზოგადოებრივი ორგანიზაციების წარმომადგენლები რეგიონში სტუმრად მყოფ ბრიტანაეთის ელჩს საქართველოში დევიდ მორანს შეხვდნენ.
არასამთავრობო სექტორის წარმომადგენლებმა ბრიტანეთის ელჩს რეგიონში მიმდინარე პროექტები გააცნეს. ,,ვისაუბრეთ ჩვენს მიერ გახორციელებულ პროგრამებზე და გავაცანით სამცხე-ჯავახეთში არსებული პრობლემები", - აღნიშნა შეხვედრის შემდეგ ორგანიზაცია მერსი ქორფის (Mercy Corps) წარმომადგენელმა ნინო ლომიძემ.
დევიდ მორანის თქმით, შეხვედრა მისთვის ძალიან მნიშვნელოვანი და საინტერესო იყო, რადგან იმ ორგანიზაციებისგან მოისმინა რეგიონის პრობლემების შესახებ, რომლებიც რიგი საკითხების მოგვარებაში უშუალოდ ჩართულნი არიან.
