„დევნილთა ბინათმესაკუთრეთა და მობინადრეთა ამხანაგობების შექმნა და განვითარება“
მცხეთა–მთიანეთი. პროექტის – „დევნილთა ბინათმესაკუთრეთა და მობინადრეთა ამხანაგობების შექმნა და განვითარება" – ფარგლებში ცენტრმა „აფხაზეთმა" ბენეფიციარებისთვის ტრენინგების კურსი ჩაატარა. ცენტრმა წილკანის დევნილთა დასახლებაში დაიწყო პროექტის შემდეგი ეტაპის განხორციელება, რომელიც მობინადრეთა ამხანაგობების ჩამოყალიბებას ითვალისწინებს. 18 აპრილს აღნიშნული პროექტის ფარგლებში წილკანის დასახლებაში სადამფუძნებლო კრება შეიკრიბა, რომელმაც ფარული კენჭისყრის პრინციპით მობინადრეთა ამხანაგობის თავმჯდომარე და წევრები აირჩია. კრებაზე განიხილეს და დაამტკიცეს ასევე ამხანაგობის წესდება. ახლად ჩამოყალიბებული მობინადრეთა ამხანაგობა სახელწოდებით „იმედი", დასახლების საერთო ქონების მოვლა-პატრონობასა და განვითარებაზე იქნება პასუხისმგებელი.
წყარო:ორგანიზაციის გვერდი სოციალურ ქსელში
