სახალხო დამცველმა ნათია ზოიძის საქმეზე დარღვევა დაადგინა და პროკურატურას გამოძიების ჩატარებისაკენ მოუწოდა
თბილისი. აჭარის ტელევიზიის თანამშრომლის, ნათია ზოიძის საქმეზე სახალხო დამცველმა პროკურატურას ზოგადი წინადადებით მიმართა და გამოძიების ეფექტიანად ჩატარებისაკენ მოუწოდა. ჟურნალისტის უფლებებს საია იცავს.
„ომბუდსმენმა საქმისწარმოების ფარგლებში მოპოვებული მასალების შესწავლის შედეგად დაადგინა, რომ „სსიპ „საზოგადოებრივი მაუწყებლის აჭარის ტელევიზიისა და რადიოს“ დირექტორი გიორგი კოხრეიძე ახორციელებდა საკუთარი თანამშრომლების შესაძლო დევნას განსხვავებული აზრის, კერძოდ, მათ მიერ მენეჯმენტის გადაწყვეტილებებზე ღიად დაფიქსირებული კრიტიკული მოსაზრებებისგამო.“ ამდენად, არსებობდა გამოძიების დაწყების სამართლებრივი საფუძველი“, ნათქვამია ორგანიზაციის ვებგვერდზე.
წყარო: gyla.ge
