EMC: ზელიმხან ხანგოშვილზე საქმეზე გამოძიება კვლავ ხარვეზებით გრძელდება
თბილისი. ადამიანის უფლებების სწავლებისა და მონიტორინგის ცენტრი (EMC) ზელიმხან ხანგოშვილის მკვლელობის საქმეზე, გერმანიის ფედერაციული რესპუბლიკის ოფიციალურ უწყებებთან საქართველოს პროკურატურის თანამშრომლობის პროცესს აფასებს. ორგანიზაცია მიიჩნევს, რომ გამოძიების ამ ეტაპზეც საქართველოს პროკურატურის მცდელობები დაგვიანებული აღმოჩნდა.
„მიმდინარე წელს ჩატარებული საგამოძიებო მოქმედებები კიდევ ერთხელ აჩვენებს, რომ საქართველოს პროკურატურამ ზელიმხან ხანგოშვილზე თბილისში განხორციელებული თავდასხმის საქმეზე ვერ უზრუნველყო ეფექტიანი და ჯეროვანი გამოძიების ჩატარება და ყველა მნიშვნელოვანი საგამოძიებო მოქმედება აშკარა დაგვიანებით განახორციელა, რაც გაცნობიერებული გულგრილობისა და მისი მოქალაქის სამართლებრივი ინტერესებისა და უსაფრთხოების უგულებელყოფის განცდას ტოვებს“.
წყარო: emc.org.ge
