კახეთი. „ლიბერალური განათლების ამერიკულ-ქართულმა ინიციატივამ" თელავის დემოკრატიული ჩართულობის ცენტრში მოაწყო დისკუსია თემაზე ,,უნივერსიტეტში არსებული პრობლემები და სტუდენტური თვითმმართველობები".

დისკუსიაში მონაწილეობა  თელავის უნივერსიტეტისა და თბილისის სხვადასხვა სასწავლებლის სტუდენტებმა მიიღეს.

ნინო ბალღიაშვილი, სტუდენტი: ,,ჩატარდა შეხვედრა და გავცვალეთ მოსაზრებები. კარგია, როცა მსგავსი ღონისძიებები ეწყობა და ვუსმენთ ერთმანეთს. თელავის უნივერსიტეტში 23 აპრილს სტუდენტური თვითმმართველობის არჩევნებია და სწორედ ახლა გვჭირდებოდა ასეთი ტიპის შეხვედრა. კარგია თუ სამომავლოდაც გაგრძელდება შეხვედრები და პრობლემების ერთად გადაჭრაზე მეტს ვიმსჯელებთ".