განცხადება ენერგეტიკის მინისტრის განცხადების საპასუხოდ
თბილისი. არასამთავრობო ორგანიზაციები ენერგეტიკისა და ბუნერვრივი რესურსების მინისტრის განცხადებას ეხმაურებიან. საქმე ეხება მინისტრის განცხადებას იმ არასამთავრობო ორგანიზაციების მიმართ, რომლებიც კრიტიკულ შენიშვნებს გამოთქვამენ ხუდონჰესის მშენებლობასთან დაკავშირებით. „კატეგორიულად მიუღებელია არასამთავრობო ორგანიზაციების მიერ გამოთქმულ კრიტიკული შენიშვნების საპასუხოდ ამგვარი დაუსაბუთებელი ბრალდებისა და სხვადასხვა შეთქმულების თეორიის მოშველიება. დასანანია, თუ საქართველოს ხელისუფლება სამოქალაქო სექტორთან ურთიერთობას ასეთი რიტორიკით აპირებს", ნათქვამია განცხადებაში. განცხადებას ხელს 15 არასამთავრობო ორგანიზაცია აწერს.
წყარო: gyla.ge
