თბილისი. კოალიციამ „მედიის ადვოკატირებისათვის" ჟურნალისტ ირაკლი აბსანძის დაკავების შესახებ განცხადება გაავრცელა. „ჩვენი კოლეგის ირაკლი აბსანძის პიროვნული ღირსებების, მაღალი პროფესიონალიზმის და პატიოსანი რეპუტაციის გათვალისწინებით, კოალიცია „მედიის ადვოკატირებისთვის" მოუწოდებს საქართველოს შინაგან საქმეთა სამინისტროს მაქსიმალურად ღიად და ობიექტურად ჩატაროს აღნიშნული საქმის გამოძიება და ვთხოვთ შინაგან საქმეთა მინისტრს და საქართველოს მთავარ პროკურორს თავიანთ პირად კონტროლზე აიყვანონ საქმის გამოძიება", ნათქვამია განცხადებაში.