იმერეთი. სამეცნიერო-ინტელექტუალურმა კლუბმა „თაობათა დიალოგმა" პროგრამის – „ახალგაზრდობა მოქმედებაში"  – ფარგლებში, 25 აპრილს, ქუთაისის დემოკრატიული ჩართულობის ცენტრში „Yes , We Can!” და „Soul Connection” პროექტების პრეზენტაცია გამართა.

„ეს არის ევროკომისიის ერთ-ერთი ინიციატივა, რომელიც უკვე 2006 წლიდან ხორციელდება, „თაობათა დიალოგმა" პირველად მიიღო მონაწილეობა ამ პროგრამაში, ჩვენ ვახორციელებთ ორ გავცვლით პროგრამას, რომელიც სხვადასხვა თემატიკას ეხება, ეს არის მოხალისეობა და ასე შემდეგ. პროექტი ეხმარება ახალგაზრდებს გაეცნონ სხვა ერების კულტურებს, ასევე დაახლოვდნენ იმ ადამიანებთან, რომელთა მიმართაც გარკევული სტერეოტიპები აქვთ და გახდნენ უფრო გახსნილები", აღნიშნა ნუგზარ კოხრეიძემ.

პროგრამაში სულ 14 ქვეყნის 83 წარმომადგენელი იღებს მონაწილეობას.