კომპანია „ენკა რინიუებლზი“ სასამართლოს მიმართ უპატივცემულობას გამოხატავს...
იმერეთი.საქართველოს ახალგაზრდა იურისტთა ასოციაციის ინფორმაციით, 10 მარტს, 12:00 საათზე, წყალტუბოს მაგისტრატ სასამართლოში უნდა დაწყებულიყო ადმინისტრაციული სამართალდარღვევის საქმის განხილვა კომპანია „ენკა რინიუებზლის“ მიმართ გარემოსდაცვითი გადაწყვეტილებით განსაზღვრული მთელი რიგი პირობების დარღვევის გამო.
„საიას ქუთაისის ფილიალის იურისტები და მოსარჩელე მაკა სულაძე გამოცხადდნენ სხდომაზე, თუმცა აღნიშნული პროცესი ნამახვანჰესის კასკადის მშენებელი კომპანიის მხრიდან არასაპატიო მიზეზით გამოუცხადებლობის გამო გაურკვეველი ვადით გადაიდო. სასამართლოსთვის უცნობია მხარის სხდომაზე გამოუცხადებლობის მიზეზი, რადგან კომპანია „ენკა რინიუებზლს“ საქმის განმხილველი სასამართლოსთვის არ წარუდგენია საპატიო მიზეზით სხდომაზე გამოუცხადებლობის დამადასტურებელი რაიმე სახის დოკუმენტი“.
წყარო: gyla.ge
