კორუფციასთან ბრძოლის საგანმანათლებლო პროგრამის გაზაფხულის სემესტრი დაიწყო
თბილისი. 17 მარტს, ჩატარდა პირველი ლექცია საგანში „კორუფციასთან ბრძოლა - საერთაშორისო აქტორები, ანტიკორუფციული პლატფორმები“, რომელიც კორუფციასთან ბრძოლის საგანმანათლებლო პროგრამის შემადგენელი ნაწილია.
„ლექციის დასაწყისში, „ინფორმაციის თავისუფლების განვითარების ინსტიტუტის“ (IDFI) დირექტორმა, გიორგი კლდიაშვილმა, მიმართა სალექციო კურსის მონაწილეებს. აღნიშნული საგნის ფარგლებში, პროგრამის მონაწილეებს და ილიას უნივერსიტეტის სტუდენტებს შეეძლებათ ისწავლონ ისეთი საკითხები როგორიცაა - კორუფციასთან ბრძოლის საერთაშორისო პლატფორმები, საქართველოს ეროვნული ანტიკორუფციული სტრატეგიები და სამოქმედო გეგმები, ბენეფიციარ მესაკუთრეთა გამჭვირვალობა, ანტიკორუფციული პოლიტიკა მოპოვებითი მრეწველობის სფეროში, პოლიტიკური კორუფცია, ლობიზმი და ამომრჩევლის მოსყიდვა“.
წყარო: idfi.ge
