საქართველოს ჟურნალისტური ქარტია ქართული მედიის წარმომადგენლებს რეკომენდაციებით მიმართავს
თბილისი. ქარტია მოუწოდებს ჟურნალისტებს, განსაკუთრებული სიფრთხილით გააშუქონ ვაქცინაციის პროცესი და მასთან დაკავშირებული თემები. კერძოდ:
- აცრის და თავად ვაქცინის ხარისხის გაშუქებისას გაიღონ მაქსიმალური ძალისხმევა, რათა გაავრცელონ ზუსტი, უტყუარი და გადამოწმებული ინფორმაცია. ვინაიდან, ჯანმრთელობის საკითხების არასწორმა გაშუქებამ, შესაძლოა, ზიანი მიაყენოს არა მხოლოდ ცალკეულ ინდივიდებს, არამედ საფრთხის ქვეშ დააყენოს საყოველთაო ჯანდაცვის უსაფრთხოება.
- გამოიყენონ სანდო და რელევანტური წყაროები;
- შეარჩიონ კვალიფიციური გამოცდილი რესპონდენტები, რომლებიც ისაუბრებენ ფაქტებსა და კვლევებზე დაყრდნობით.
წყარო: ორგანიზაციის ვებგვერდი
