ქუთაისის მერის მოადგილის ბიზნესპარტნიორის კომპანია ადგილობრივ ტენდერებს იგებს
იმერეთი. საერთაშორისო გამჭვირვალობა - საქართველოს ინფორმაციით, ქუთაისის მერის მოადგილის, იუზა უგულავას ბიზნესპარტნიორის კომპანიამ „ლიკო-1“-მა ქუთაისის მუნიციპალიტეტის 294 545 ლარის ტენდერი მოიგო.
„ხუთი ტენდერიდან ოთხ შემთხვევაში კომპანიას კონკურენტი არ ჰყოლია. აღსანიშნავია, რომ თავად იუზა უგულავა 2019 წლიდან ხელმძღვანელობს სატენდერო კომისიას“.
ორგანიზაცია მოუწოდებს სახელმწიფო უსაფრთხოების სამსახურის ანტიკორუფციულ სააგენტოს, შეისწავლონ ქუთაისის მერიის ტენდერებში შპს „ლიკო-1”-ის გამარჯვების კანონიერების საკითხი.
წყარო: transparency.ge
