დეზინფორმაცია: წნორის კლინიკა არქიმედეს მთავარი ექთანი აცრით გარდაიცვალა
თბილისი. ფაქტ-მეტრის ინფორმაციით, სოციალურ ქსელში გავრცელდა დეზინფორმაცია, რომლის თანახმადაც წნორში, კლინიკა „არქიმედეს“ მთავარი ექთანი, კორონავირუსის საწინააღმდეგო აცრით გარდაიცვალა.
ჯანდაცვის სამინისტროსთან გადამოწმებული ინფორმაციის თანახმად, „კლინიკა „არქიმედეს“ მთავარი ექთანი ნანა ქაჩლიშვილი ნამდვილად გარდაიცვალა, თუმცა გარდაცვალებას აცრასთან კავშირი არ აქვს. ექთანი კორონავირუსის საწინააღმდეგო ვაქცინის, სინოფარმის ერთი დოზით 21 ივლისს აიცრა. მოგვიანებით, 24 ივლისს მას კორონავირუსი დაუდასტურდა. სამინისტროს თქმით, ექთანი მძიმე ქრონიკული პაციენტი იყო და 3 აგვისტოს გარდაიცვალა, თუმცა მისი გარდაცვალება ვაქცინაციასთან დაკავშირებული არ ყოფილა“.
წყარო: factcheck.ge
